Омега-3 се најпознати како неверојатни здрави масти со чудесни придобивки за телото.
Но дали е тоа така?
Постојат неколку вообичаени митови за омега-3 масните киселини:
Мит 1: Омега-3 се добри само за здравјето на срцето
Врската помеѓу омега-3 и кардиоваскуларното здравје е силна, но срцето е само врвот на ледениот брег кога станува збор за здравствените придобивки од омега-3. Факт е дека омега-3 добро влијае на вашиот мозок, очи, зглобови.
Кога станува збор за очите, омега-3 мастите играат огромна улога во здравјето и функцијата на мрежницата. Омега-3, исто така, се бори против сувите очи со зголемување на вкупната влажност на очите.
Бидејќи очите и мозокот постојано работат заедно, не е изненадување што омега-3, исто така, влијаат на когнитивната функција на различни начини – од меморија, вербално учење, до ментална острина во текот на целиот животен век.
Мит 2: Здравите луѓе не треба да се грижат за омега-3 масните киселини
Без разлика какво е вашето здравје, корисно е да внесувате доволно омега-3 на дневна основа.
Статистички гледано, освен ако не јадете лосос или туна секој ден, веројатно ви треба повеќе од овие масти во вашиот живот.
Мит 3: Рибиното масло ја разредува крвта
Пред неколку децении, беше направена врска помеѓу омега-3 и тромбоцитите, а постоеше загриженост за способностите на рибиното масло за разредување на крвта.
Но, прегледот на епидемиолошките и клиничките истражувања во изминатите 30 години покажува дека, всушност, не постои зголемен ризик од крварење кога луѓето консумираат 500 милиграми до 10 грама омега-3 дневно.
Мит 4: Веганите и вегетаријанците не можат да добијат омега-3 освен ако не јадат риба
Рибите всушност добиваат омега-3 од алгите, а ние можеме да го сториме истото.
Добар избор се: ленено семе, чиа семе, ореви.