Дејвид Мојс летово го напушти Вест Хем, но наскоро би можел да се врати во Премиер лигата.
Како што пренесуваат англиските медиуми, четири клуба во моментов разгледуваат опции, а во наредниот период би можеле да ги сменат своите менаџери.
Очекувано, клубовите кои „горат“ во борбата за опстанок и ги чека борба до самиот крај се – Саутемптон, Лестер, Кристал Палас и Вулверхемптон.
Наводно, најреална опција во моментов е Кристал Палас наскоро да му врачи отказ на Оливер Гласнер, но менаџментот се насочува не само кон Дејвид Мојс, туку и кон Греам Потер.
Впечаток е дека Гери О’Нил е најсигурен, бидејќи ги извлече Волвс од кризата, а сега имаат многу полесен распоред на натпревари.
Лестер е на најдобрата позиција на табелата – 15, но Стив Купер ќе мора да се врати во победничката форма по серијата слаби резултати.
Конечно, тука е и Расел Мартин во кого се уште има доверба од управата на Саутемптон, иако се последни на табелата со четири освоени бода. Сигурно е дека нема да остане на клупата до Божиќ доколку наскоро не добие некој бод.