САД евакуираа четворица Американци од Авганистан во соседна земја, изјави претставник на Стејт департментот, во првата евакуација по копно по повлекувањето на американските сили на 31 август, објави Ројтерс.
Околу 124.000 луѓе беа евакуирани од Кабул минатиот месец со летови предводени од САД.
Американски и други странски државјани беа евакуирани, како и загрозени Авганистанци, бидејќи Талибанците ја преземаа контролата над Авганистан.
„Овозможивме заминување на четворица американски државјани од Авганистан по копно. Нашата амбасада ги поздрави Американците при преминување на границата во трета земја“, изјави неименуван функционер за Ројтерс, без да даде повеќе детали.
Американскиот конгресмен Рони Џексон на Твитер напиша дека станува збор за Американци од неговата област во Тексас.
After 2 weeks & multiple life threatening attempts, I am overjoyed to share that 4 U.S. citizens from #TX13 were part of the first successful ground evacuation since the U.S. left Kabul. Thank you to Cory Mills & the other patriots on his team for saving these BRAVE Americans! pic.twitter.com/1Tv9KRUgcE
— Ronny Jackson (@RepRonnyJackson) September 6, 2021
По повлекувањето на американските сили, летовите за евакуација беа завршени, а комерцијалните летови го избегнаа аеродромот во Кабул.
Талибанците ја презедоа власта во Авганистан на 15 август. Тој ден, авганистанскиот претседател Ашраф Гани ја напушти земјата откако талибанските борци го опколија Кабул и ја предадоа власта.