Голем број производители презентираа смартфони со 48MP камера, што говори за напредокот во
сферата на камерите кај мобилните уреди. За да може да се продолжи овој тренд е потребна и
поддршка од страна на чипсетите. Токму во таа насока е обновувањето во табелите со параметри
на ISP решенијата на Qualcomm, дознаваме од GSMArena.
Промената е откриена од XDA Developers и додава поддршка за сензори со резолуција 192MP за
чипсетите Snapdragon 855, 845, 710, 675 и 670. Тоа е теоретски поддржуваната максимална
резолуција на единечен сензор од ISP. Се разбира се уште нема такви сензори, но чипсетите дури и
денес можат да ги поддржуваат.
Интересно е дека за да обработи слика снимена во таква резолуција, чипсетот треба да исклучи
редица други функционалности. Меѓу нив се multi-frame noise reduction (MFNR) и други.