Цистерна со питка вода е подготвена и ќе гравитира низ населените места во централното подрачје на Скопје со прекин на водоснабдувањето, врз основа на потребите на граѓаните и нивните барања упатени до Дежурно – информативниот центар на ЈП „Водовод и канализација“ – Скопје.
За секоја потребна дополнителна информација, граѓаните може да се обратат на телефонскиот број 02 3073 010, наведуваат од јавното претпријатие.
– Во однос на дефектот на улицата „Кеј Димитар Влахов“ 15 до МКЦ во населба Центар, заради што со прекинато водоснабдување се корисниците на дел од Крњево, Керамидница, трговскиот центар „Ист гејт“, булеварот „Александар Македонски“ до бензинската пумпа „Лук оил“, Пожарна, а со намален притикок – Маџари и Хиподром, од страна на екипите на претпријатието се преземени сите активности и мерки за отстранување на истиот. Од рано изутрина, екипите се излезени на терен со целосна механизација и системски работат на отстранување на дефектот, се наведува во соопштението.
Засега, се додава, не може да се предвиди точното време на санирање на дефекот.
– Екипите на ЈП „Водовод и канализација“ – Скопје се и ќе останат на терен, сѐ до целосно отстранување на дефектот и нормализирање на водоснабдувањето во сите делови каде тоа е прекинато, истакнуваат од претпријатието.