Д-р Лазаров: Грев е да криете позитивни во семејство, штета правите огромна

Доктор Ненад Лазаров во својот нов Фејсбук апелира до граѓаните да не ги кријат контактите и челновите од семјството  кои се позитивни на Ковид 19.

„Грев е да криете позитивни во семејство, а доаѓате да се лекувате, штета правите огромна, како на себе така и на околината.Се гледаме во очи, и ко доктор и ко пријател ве прашувам, и да се лаже ниту е во ред ниту е фер“, пишува Лазаров.

Вкупната бројка на ковид дијагностицирани во нашата земја од почетокот на епидемијата изнесува 21193, бројката на оздравени пациенти е 16397, на починати е 800, а во моментов бројот на активни случаи во земјата изнесува 3996.