Новиот договор на Серхио Перез со Ред Бул практично става крај на надежите на Пјер Гасли за враќање во првиот тим на Диди Матешиц. Французинот кој вози за Алфа Таури има договор со Ред Бул до крајот на 2023 година и советникот на Ред Бул, доктор Хелмут Марко веќе призна дека е свесен дека доколку не му дадат уште една шанса на Гасли, тој може да си замине.
Кон крајот на минатата недела повторно се појавија гласини дека седумкратниот светски шампион во Формула 1, Луис Хамилтон, би можел да го напушти спортот и да биде заменет од Гасли. И Хамилтон има договор до крајот на 2023 година, но реши да си замине по актуелната кампања, а Пјер сигурно ќе најде начин порано да излезе од договорот.
„Секако дека разговарав со Гасли пред да го потпишеме новиот договор со Перез“, објасни доктор Марко. – На овој разговор ќе се вратиме по 2023 година. Мислам дека Пјер нема алтернативи, мислам дека не може да се пресели во тим кој е подобар од Алфа Таури“.
Доктор Марко беше дециден дека нема слободни места во Ред Бул и Алфа Таури за следната сезона.
Приказната за можното пензионирање на Хамилтон ја објави британскиот весник „Дејли Мирор“, повикувајќи се на свои анонимни извори во Мерцедес, според кои Луис веќе ги известил шефовите на своите тимови дека сака предвреме да го раскине договорот и да замине подоцна оваа сезона.
Уште една опција за развој на кариерата на Гасли е популарна во британскиот печат – тој ќе го заземе местото на Даниел Рикардо во Мекларен доколку Австралиецот и тимот се разделат пред предвиденото или по истекот на договорот на пилотот, кој исто така е до крајот од 2023 година. Но, очигледно иднината на Гасли во Формула 1 веројатно нема да биде поврзана со Ред Бул.