Министерот за надворешни работи на Србија, Ивица Дачиќ гостуваше во емисијата „Фокус“ на ТВ Б92 каде зборуваше за сите актуелни теми.
На самиот почеток тој го истакна дијалогот меѓу Белград и Приштина, како и идејата на премиерот на Косово, Албин Курти, дијалогот со Белград да се прекине до пролетта следната година.
Министерот рече дека Курти не го почитува бриселскиот договор и дека не сака ниту да продолжи дијалог додека не се разговара за независноста на Косово.
Тој посочи дека Србија за тоа време секојдневно била соочена со различни притисоци и уцени.
„Тоа е стара идеја на Албанците и добро е што за неа се зборува јавно, затоа што некои во Европа и САД мислат дека тоа е наша идеја, но единствената цел на сите Албанци е обединување во таканаречената голема Албанија“, истакнува тој.
Министерот потоа се осврна на ЕУ и нивниот однос кон Косово, каде што рече дека ако прифатиш некого за кандидат за членство во ЕУ, тоа значи дека веќе си го определил за држава.
Како што рече, ние никогаш нема да отфрлиме никакви планови, „само го кажавме она што за нас е неприфатливо, а тоа е Косово да биде членка на ЕУ“.
„Западњаците велат дека не можат да го натераат Курти, а како можете нас да не принудите на нешто?“, праша Дачиќ и додаде:
„Немаме мнозинство во ЕУ, но имаме пет земји кои не го признаваат Косово, ја имаме Унгарија, која рече дека нема да гласа за членство на Косово во Советот на Европа и ЕУ, иако тие го признаа Косово, па дали е во наш интерес да ги нарушиме односите со тие земји“.
Како што рече, за Србија, Русија и Кина се земји број еден и Србија не треба да ги нарушува односите со нив.
Ивица Дачиќ на самиот крај од гостувањето истакна дека Србија никому не држи лекции, но додаде дека и Србија не е глупава.
„Добро знаеме за што се работи“, заклучи Дачиќ.