Шефот на српската дипломатија, Ивица Дачиќ изјави денеска дека „моментот е деликатен“, бидејќи напорите на Приштина да го „понижи и малтретира српскиот народ на Косово и Метохија ги преминало сите граници“, додавајќи дека „на сите им е јасно дека (Албин) Курти сака инциденти. „Но, не му се гледа крајот од меѓународната заедница, додека Србија не добива ништо за својата конструктивност“.
„Владата ќе ги поддржи предлозите на претседателот Александар Вучиќ и на нашиот народ. Вучиќ ќе се обрати на владината седница, ќе ги изнесе своите ставови и информации“, изјави Дачиќ за ТВ Пинк, потсетувајќи дека владината седница ќе започне во 10:00 часот и ќе присуствува и Вучиќ.
Тој рече дека учествувал на синоќешната долга средба меѓу Вучиќ и специјалниот пратеник на Европската унија (ЕУ), Мирослав Лајчак, за кого рече дека „не бил главниот извор на проблемот“.
„Лајчак е овде во улога на посредник меѓу едната, другата, третата страна. Ситуацијата не е така едноставна и во Брисел, немојте да мислите дека Брисел е пресреќен што има и француско-германски план. Ако сакаа француско-германски план, Борел и Лајчак немаше да се занимаваат со тоа“, рече Дачиќ, наведувајќи дека Лајчак работи „тешка и непријатна работа“.
Дачиќ изјави дека не се работи само за пререгистрација на таблички што го бара Приштина.
„Приштина перфидно се обидува насекаде да ги стави атрибутите на Косово, очекувајќи дека Србија ќе молчи. Досега овие еднострани потези во некои ситуации им се извлекуваа“, додаде Дачиќ.