Заедно со рибата, маслиновото масло и свежите состојки, црвеното вино во умерени количини отсекогаш се сметало за една од причините за подолг животен век на жителите на јужна Европа, бидејќи соединенијата кои се наоѓаат во кората на грозјето можат да помогнат во заштитата од разни болести, како срцеви заболувања, рак и деменција, пишува Miss7.
Една или две чаши црвено вино дневно е една од основните препораки на медитеранската исхрана. Но, некои истражувања сугерираат дека не постои „безбедна количина“ на алкохол за консумирање и дека е најдобро целосно да се воздржите, пишува Daily Mail.
Европскиот совет за истражување финансира четиригодишна студија во која учествуваат 10.000 Шпанци за да се види како умереното консумирање вино влијае на здравствените проблеми како што се срцевите заболувања, ракот и дијабетесот.
Др Мигел Мартинез-Гонзалес, кој го води испитувањето на Универзитетот во Навара во Памплона, Шпанија, минатиот месец објави труд со наслов „Дали треба да го отстраниме виното од медитеранската исхрана“, додаде дека алкохолот го зголемува ризикот од случајно смртни случаи, а исто така може да го зголеми ризикот од рак на дојка.
Некои студии покажуваат дека алкохолот може да биде токсичен за невроните, што според Мартинез-Гонзалес значи дека алкохолот е токсичен ако се консумира во големи количини. Тој додава дека сите помлади треба да го исфрлат црвеното вино од исхраната.
Сепак, неговото претходно истражување сугерира дека исклучувањето на црвеното вино би ја намалило ефикасноста на исхраната, но тој сè уште стравува дека тоа ги охрабрува луѓето да пијат прекумерно.