Потекнува од Италија и е базиран на познатиот мал автомобил на Fiat.
Велиме базиран, бидејќи освен каросеријата, малку друго на ова возило е изведено од првата генерација на Fiat Panda. Оригиналниот модел ќе го препознаат само најдобрите познавачи, а апсолутно сите ќе се изненадат кога ќе го видат овој автомобил во движење.
Веќе имаше слични обиди, но Италијанците од YouTube каналот Carmagheddon сега отидоа чекор подалеку и решија да искористат стара Panda за оваа интересна конверзија.
Автомобилот, или она што остана од него, беше поставен на само 3 сантиметри од земјата, а под каросеријата најдоа доволно простор за да го сместат погонот, како и самиот возач.
„Panda“ сега се придвижува од мал двотактен мотор, додека до возачот има доволно место за три тркала и минијатурен волан.
Непотребно е да се каже дека возачот ја нема најдобрата ергономија. За да види каде вози, на покривот има GoPro камера која ја проектира сликата на мобилен телефон.
Во секој случај, се работи за интересна преработка која во целост ја исполни проектната задача и го разбуди интересот на јавноста.