Многумина користат замрзнато овошје и зеленчук, а некако преовладува мислењето, или барем првата мисла, дека тоа не е најздравата опција, додека некои би рекле „подобро замрзнато отколку ништо“. Сепак, тоа не е баш така. Всушност, постојат некои видови на овошје и зеленчук кои го задржуваат својот целосен квалитет по замрзнувањето, а некои дури и содржат повеќе хранливи материи.
Овошјето и зеленчукот обично се замрзнуваат веднаш по берењето, со што се зачувува максималната количина на витамини и минерали. Свежото овошје и зеленчук кои седат долго време во продавница или дома ги губат хранливите материи, додека замрзнатите ги задржуваат повеќето од нив. Исто така, замрзнатиот зеленчук обично нема конзерванси бидејќи замрзнувањето природно го продолжува нивниот рок на траење.
Подобро замрзнато отколку свежо
Замрзнатиот грашок ја задржува својата сладост и текстура подобро од свежиот грашок, кој брзо ја губи влагата. Брокулата и карфиолот ги зачувуваат повеќето хранливи материи кога се замрзнати, додека свежите можат брзо да се расипат. Спанаќот и кељот задржуваат повеќе железо и фолна киселина во оваа форма.
Замрзнатите бобинки (боровинки, малини, јагоди) често имаат повеќе антиоксиданси од оние кои се чуваат долго време во продавницата. Има и пченка, која во замрзната форма често има подобар вкус и текстура од свежата, која брзо се суши по бербата.
Подобро свеж отколку замрзнат
Доматите се подобри свежи, додека замрзнатите стануваат кашести и ја менуваат својата текстура (но се добри за сосови). Краставицата, зелената салата и другиот лиснат зеленчук од салата ја губат својата острина по одмрзнувањето. Има и лубеница и диња, исто така намирници кои содржат многу вода, кои ја губат текстурата и стануваат кашести кога ќе се замрзнат, па затоа најдобро е да се јадат свежи.