Вечерва експлозија околу 22 ч врз владината зграда во Скопје, посочуваат случајни минувачи околу објектот, кои оваа информација ја дојавија до локално.мк. Според непотврдени информации имало и полиција со тешко вооружување и екипи кои го пребарува теренот , како и засилено обезбедување.
Нема официјани информации дали повторно е пукано врз владината зграда, но се вели дека имало силна експлозија. Досега двапати беше стрелано еднаш пред повеќе години кога беше погодена соседната зграда и лани кога беше погодена фасадата на владината зграда.
Според последното вештачење два проектилa беа испукани на зградата на Владата на Република Македонија во Скопје, и според балистиката најверојатно од Кале. Едниот заврши во покривот, а другиот на источната фасада.
Од МВР нема ниту потврда ниту демант на вечерашната информацијата, дали повторно е пукано врз зградата како што јавуваат читатели на локално.мк.