Дали пушењето може да предизвика труење со јаглерод моноксид?

од Stefanija Kuzmanovska
500 прегледи

Јаглерод моноксидот (CO) е отровен гас без боја, мирис и вкус – што го прави практично незабележлив додека не биде предоцна, поради што е посебно опасен. Настанува поради нецелосно согорување на речиси секој запалив производ.

Во домаќинствата тоа се случува при палење дрва во камини или шпорети, со плински печки, вклучително и плински бојлери, но и при пушење, односно согорување тутун.

Пушењето цигари го зголемува нивото на јаглерод моноксид (CO) во крвта. Нормалното ниво на CO за непушач зависи од нивото на јаглерод моноксид во воздухот, но обично е помеѓу 0 и 8 ppm (parts per million). Нивото на CO за пушач обично е многу повисоко и варира во зависност од времето од денот, бројот на испушени цигари и начинот на кој се вдишува димот.

Лицето кое пуши една кутија цигари дневно обично има ниво на јаглерод моноксид од околу 20 ppm.

Пушењето може да предизвика труење со јаглерод моноксид

Пушењето може да доведе до труење со јаглерод моноксид ако брзо се испушат голем број цигари, а особено ако тоа се прави во затворен простор. Поради ова, „страсните“ пушачи често може да искусат симптоми на труење како забрзано чукање на срцето, силна главоболка и гадење, па дури и да завршат на болничко лекување.

Сепак, овие симптоми ќе го привлечат вниманието на повеќето пушачи, па кога ќе почувствуваат дека не се чувствуваат добро, ќе престанат да пушат пред воопшто да им биде потребна медицинска помош.

Добрата вест за оние кои планираат да се откажат од пушењето е дека по откажувањето, нивото на јаглерод моноксид наскоро ќе се врати во нормала. За оние кои во овој момент не сакаат да се откажат од тутунот и никотинот, постои помалку штетно решение кое значително ќе ја намали изложеноста на јаглерод моноксид.

Станува збор за алтернативи бездимни цигари базирани на технологија за загревање на тутун кои во просек испуштаат 98 отсто помалку јаглерод моноксид и значително пониски нивоа на други штетни состојки во споредба со чадот од цигарите.

Слични содржини