Андре Силва ги наплати добрите игри во Ајнтрахт Франкфурт со тоа што потпиша договор со Лајпциг до 2026 година. 25-годишниот португалски напаѓач дојде на прес-конференција подготвен да одговори на прашањата дали вложените 23 милиони евра ќе му се исплатат на Лајпциг и колку голови ветува во новиот клуб, но конференцијата неочекувано отиде во сосема друга насока .
Еден од новинарите му постави на Силва повеќе од бизарно прашање за Кристијано Роналдо.
„Го познавате Кристијано Роналдо затоа што делевте соблекувална со него. Тој е убав човек. Дали сакате да бидете добар како него еден ден и да имате такви мускули? И, дали тој мириса толку добро како што изгледа“, новинарот праша.
Силва, се разбира, беше шокиран од прашањето, но со насмевка се обиде да ја скрие својата збунетост. Тогаш тој реши да одговори.
„Прашајте го господинот дали некогаш тој почувствувал како мириса (низ смеа)? Можеби ќе го прашам каков парфем користи и ќе ве известам”, рече Португалецот.