На социјалните мрежи често се поставува прашањето за оправданоста на спиењето во чорапи. Додека на некои им пречи, други не можат да заспијат боси. Сепак, клучот е што е подобро за здравјето.
Има многу придобивки од носењето чорапи во кревет, вели авторот и основач на Здружението на професионални консултанти за спиење при Меѓународниот институт за родителство и здравје, Мар Де Карло.
„Поради процесот наречен вазодилатација или проширување на крвните садови, чорапите можат да ни помогнат да заспиеме побрзо и да спиеме подолго“, објасни тој, додавајќи дека истражувањето од 2007 година исто така покажува дека промените во температурата на кожата влијаат на сите аспекти на сонот и спиењето.
Де Карло истакнува дека е докажано дека носењето чорапи во кревет ја зголемува циркулацијата и протокот на крв во стапалата, што може да помогне во намалувањето на телесната температура, сигнализирајќи му на мозокот дека е време за спиење. И други студии го потврдуваат тоа, а една таква студија вели дека испитаниците кои легнале да спијат со чорапи заспале 7,5 минути побрзо, спиеле 32 минути подолго и се буделе 7,5 пати поретко навечер од оние кои спиеле боси.
„На поспаноста обично ѝ претходат пониски температури на телото и доказите сугерираат дека носењето чорапи и други методи за загревање на стапалата може да ја намали температурата на вашето тело и да ви помогне побрзо да заспиете“, додаде Де Карло.
Според него, има уште една предност од спиењето со чорапи, а тоа е помала шанса за Рејноов синдром, кој обично ги зафаќа прстите и рацете, каде кожата ја губи циркулацијата и почнува да отекува и боли, а различни студии покажале дека носењето чорапи навечер ја одржува циркулацијата и топлината на екстремитетите и може да спречи таков напад.