Даниел Деј Луис се враќа на актерството по седумгодишна пауза

Трикратниот оскаровец Даниел Деј Луис (67) го завршува своето актерско пензионирање за да глуми во режисерското деби на неговиот син, потврди во вторникот американската независна продукциска куќа „Focus Features“.

Таткото и синот го напишаа сценариото за филмот, кој ги истражува сложените односи меѓу татковците, синовите и браќата. Филмот „Anemone“ моментално се снима во Манчестер, а во него улоги добија Шон Бин, Саманта Мортон, Семјуел Ботомли и Сафија Оукли-Грин.

Неговиот син Ронан (26) е од бракот со режисерката и писателка Ребека Милер, ќерка на познатиот писател Артур Милер. Ронан е режисер и сликар кој штотуку дебитираше со самостојна изложба во Хонг Конг.

Покрај него, актерот ги има и синовите Кашел и Габриел Кејн Деј Луис.