Директор на Управата за водење на матични книги, Бујар Дардишта, во емисијата „200“ во врска со случајот на Тони Сали, матурант кој почина без да добие матичен број, тој вели дека во Управата за матични книги е регистриран со формулар за аплицирање од страна на Болницата.
Сепак, според него, регистрацијата да биде завршена покрај податоците за мајката, мора да се утврди и името на новороденото дете.
„Станува збор за двајца граѓани, две лица со бугарско државјанство кои немаат македонско државјанство. Мајката на Тони Сали во 2002 година роди син кој подоцна го доби името Тони Сали. Ве поканувам вас и колегите кои се тука со нас, кога сакате, со камери да одиме во Управата за матични книги и ќе видите дека детето кога е родено, 2002 година, е регистрирано со формулар од болницата , упатена до нашата дирекција. За да биде целосно, покрај податоците за мајката, мора да се утврди и името на новороденото дете. Такво нешто не е сторено. Според Законот за евиденција за мајчинство, за секое новороденче, родителите или еден од родителите се должни да го претстават детето во рок од 30 дена. Доколку се одложи еден ден по овој рок, тоа ќе биде регистрирано, но мора да подлежи на административна постапка“, рече Бујар Дардишта, директор на Управата за водење на матични книги.
Матурантот Тони Сали, кој цела деценија се обидуваше од Управата за водење матични книги за добие матичен број и Извод на родени, почина пред неколку дена.
„На 27.05.2021 околу 07:30 часот во Полициското одделение Шуто Оризари било пријавено дека на ул.„Индира Ганди“ бил пронајден починат Т.С.(18) од Скопје. Лекар од Итна медицинска помош констатирал смрт без траги на насилство, а по наредба на Јавен обвинител телото на починатиот било дадено на обдукција“, информираше МВР.
Причините за прераната смрт на ова момче не се знаат, затоа што ова момче немајќи извод, никогаш немаше ни здравствена книшка, а ни лична карта.