Де Бруин: Нема недоразбирање меѓу мене и Гвардиола, знае дека ми беше тешко

Фудбалерот од средниот ред на Манчестер Сити, Кевин Де Бруин, призна дека се бори да се врати во поранешната форма поради физички проблеми.

33-годишниот Белгиец беше надвор од терените во средината на септември поради повреда на мускулот добиена на ремито со Интер во Лигата на шампионите (0:0).

Фудбалерот се врати во игра на 21 октомври и постигна гол во победата од 3-0 над Нотингем Форест синоќа.

„Нема недоразбирање меѓу мене и Гвардиола. Тој знае дека ми беше тешко. Имав болки поради повредите. Се надевам дека ќе се вратам во форма и ќе му помогнам на тимот”, изјави Де Бруин, цитиран од BBC Sport.

Оваа сезона 33-годишниот Белгиец има 2 гола и 2 асистенции во 12 настапи за Манчестер Сити во сите натпреварувања.