Дефанзивецот на Манчестер Јунајтед, Матијс де Лихт е подготвен да предизвика трофеј бидејќи тимот влегува во „најважната фаза“ од сезоната. Тој рече дека не очекувал дека „црвените ѓаволи“ ќе бидат во долната половина од табелата во Премиер лигата кога тој дојде од Баерн Минхен летото, но верува дека тимот, кој моментално го води менаџерот Рубен Аморим, сè уште може да ја заврши сезоната на високо ниво.
Минатата сезона Јунајтед го победи Манчестер Сити во финалето на ФА Купот и сега му гостува на Фулам во петтото коло од турнирот пред да отпатува за Шпанија на првиот осминафинален натпревар од Лигата на Европа против Реал Сосиедад.
Запрашан дали победата од 3-2 над Ипсвич во средата би можела да ги смири разговорите за испаѓање од Премиер лигата, Матијс де Лихт вели: „Да бидам искрен, не го гледам тоа така. Ја гледам ситуацијата бидејќи сега поминуваме низ навистина важна фаза, со претстојниот ФА Куп и Лига Европа, а очигледно и во Премиер лигата“.
„Мислам дека е навистина добар почеток за да се дојде до оваа фаза, но како што реков, ние сè уште сме во борба во две навистина важни натпреварувања заедно со Премиер лигата, така што гледам што се случува како почеток на најважната фаза од сезоната. Манчестер Јунајтед е навистина голем клуб. Да бидам искрен, не сум навикнат да играм за… ние сме 14-ти на табелата. Најлошото во мојата кариера е четвртото место, така што ова е сосема ново за мене“, продолжи холандскиот фудбалер.
„Но, исто така учиш многу од тоа. Победата над Ипсвич беше навистина важна и се надевам дека може да донесе поголема самодоверба кај играчите за да се справат уште подобро“, додаде Де Лигт.
Манчестер Јунајтед сигурно мораше да работи напорно за да ја добие битката против Ипсвич во средата, вклучувајќи го и второто полувреме, играјќи со 10 играчи. „Кога ќе видите како играме против Ливерпул, кој веројатно е шампион оваа сезона, против Манчестер Сити, Арсенал со 10 играчи, тогаш гледате дека имаме многу квалитет“.