Холандскиот стопер Матајс де Лихт повторно е на крстопат во кариерата. Дали треба да остане во Баерн или пак да ја промени средината?
Де Лихт има само 24 години, но веќе се етаблираше како еден од подобрите и попосакуваните дефанзивци во Европа. Светот полуде во 2018/19 година по една од најважните алки во одличната кампања на Ајакс во Лигата на шампионите, која за жал заврши во полуфиналето.
Оттогаш за него се интересираат големи клубови. Иако долго време „флертуваше“ со Барселона и велеше дека тоа му е единствена желба, тој во 2019 година заврши во Јувентус за 85 милиони евра. Сепак, Серија „А“ ги разоткри неговите слабости и по три години го напушти Торино и за 67 милиони евра замина во Баерн.
Во Минхен се ревитализираше за овие две сезони. Овде одигра 30 натпревари во сите натпреварувања, постигна два гола и имаше асистенција.
Но, иако има договор до 2027 година, приказната за неговото заминување повторно е ажурирана.
И таа е во напредна фаза. Има заинтересирани, но Холанѓанецот наводно сака само да премине во Манчестер Јунајтед, а неговиот агент веќе преговара со „црвените ѓаволи“.
Останува да видиме во наредните денови дали ќе ја „испочитува“ желбата како во 2019 година кога сакаше само да замине во Барселона, а на крајот заврши во Јувентус.