34
Тренерот на Рома, Даниеле Де Роси не сакаше да ја коментира иднината на Пауло Дибала во тимот. Аргентинецот е на прагот на трансфер во Саудиска Арабија, а синоќа влезе како замена за Рома во ремито без голови со Каљари.
„Прашувате погрешна личност. Тој беше фокусиран на натпреварот со Каљари, влезе и играше добро и тоа е тоа. Мислам дека не треба да разговараме за ситуацијата со Саудиска Арабија“, изјави Де Роси на прес-конференција.
Се очекува Дибала да одговори на понудата од Ал Кадсија денеска или утре. Според информациите, клубот од Саудиска Арабија на Дибала му нуди 75 милиони евра за тригодишен договор.