Претставничкиот дом на Соединетите Американски Држави ја продолжи денеска расправата за отповикување на претседателот Доналд Трамп, по вторпат за време на неговиот мандат.
Тој денес треба да гласа за усвојување на еден член поврзан со отповикувањето, кој го обвинува Трамп за поттикнување бунт за време на говорот што му претходеше на упадот на демонстрантите во Конгресот, објави Ројтерс. Според странските медиуми, голем број членови на Националната гарда го обезбедуваат Капитол Хил.
18:44 „Трамп е опасен“
Спикерот на Претставничкиот дом Ненси Пелоси започна двочасовна дебата за резолуцијата за отповикување на Доналд Трамп.
– Тој мора да замине. Тој е јасна и постоечка опасност за нацијата што сите ја сакаме – изјави таа.
18:42 – Првото процедурално гласање во Претставничкиот дом е завршено
Претставничкиот дом на американскиот конгрес денес го прифати написот за отповикување на претседателот Доналд Трамп со првото процедурално гласање. Сега е ред на второто процедурално гласање за резолуцијата за одземање, пренесува Би-Би-Си. После тоа, се планира дискусија и конечно гласање за отповикување, што треба да започне во 15 часот по локално време, или во 21 часот по средноевропско време.
18:33 часот – Во Конгресот војската е со целосна воена опрема
Денешната седница на Претставничкиот дом е придружена со огромно обезбедување, а меѓу нив има и членови на Националната гарда, кои влегоа на Конгресот за првпат по Граѓанската војна.