Германската полиција го уапси Ханс Хајнрих С. (72), под сомнение дека пред три месеци во Штајнхаген ја убил сопругата Марион С. (68).
Ханс, кој работи во земјоделство, е обвинет дека ја убил сопругата од алчност.
Мерион исчезнала на 5 јули додека ја чистела куќата на нејзините родители, која ја наследила по нивната смрт. Нејзините пријатели, со кои требало да се сретне попладне, пред куќата го нашле нејзиниот „мерцедес“ со сите нејзини лични работи и документи, но не ја нашле Мерион.
Веднаш повикале полиција која започнала потрага по исчезнатата пензионерка, но безуспешно.
Беше отворена истрага, а доказите полека почнаа да укажуваат дека нејзиниот сопруг е одговорен за нејзиното исчезнување. Според „Билд“, двојката се разделила во 2020 година и била во тек постапка за развод, при што било објавено дека Ханс се заканил дека ќе ја убие Мерион. Се шпекулира дека не сакал да и плаќа алиментација.
Сведоците тврдат дека го слушнале како вели дека повеќе би сакал да ја убие Мерион отколку да и даде пари. Тие наведуваат и дека жртвата живеела во страв поради сопругот и дека не сакала сама да го напушти станот во кој се преселила.
Нејзиното тело било пронајдено 11 дена откако била пријавена за исчезната. Мерион е пронајдена во шумата, која е на само 800 метри од фармата на нејзиниот сопруг. Мерион била погребана во плиток гроб, а обдукцијата покажала дека била задавена.
Ханс е обвинет дека ископал гроб, а потоа отишол во куќата во која некогаш живееле неговата свекрва и свекор, каде што ја нападнал и ја убил Мерион. Полицијата пронашла траги од ДНК на багажникот на „Реното“ на Ханс, кое го купил откако се разделил од сопругата.
Наводно, на возилото биле пронајдени и траги од земја, најверојатно од шума, но анализите се уште траат.
Ханс е во притвор и негира дека бил вмешан во убиството на сопругата, а неговите пријатели наведуваат дека никогаш не се сомневале во него, бидејќи ништо не укажувало дека тој го сторил делото.