153
Дефанзивецот на Тотенхем, Бен Дејвис, потпиша нов договор до летото 2025 година, соопштија од англискиот премиерлигаш.
Велшкиот репрезентативец пристигна во Северен Лондон во 2014 година од Свонси Сити.
Досега има 271 настап за Спарс со 6 гола, а неговите 58 настапи во европските клупски натпреварувања го сместија во топ 5 во клупската историја.
Во текот на минатата кампања, 29-годишниот дефанзивец учествуваше во рекордни во кариерата 43 натпревари, на кои постигна и еден гол.
Под водство на Антонио Конте, кој го презеде тимот во ноември минатата година, Дејвис започна 34 од 36 одиграни натпревари, вклучувајќи 26 од 27 во Премиер лигата.
За репрезентацијата на Велс, Дејвис има 74 натпревари и еден гол.