Фестивалите за викендите, одморите и желбата за забава во морските летувалишта предизвикаа за загрижувачкото ширење на индискиот делта сој во Италија, бидејќи повеќето млади луѓе не биле вакцинирани и не се придржувале до превентивните безбедносни мерки.
На морето во римскиот крајбрежен појас во Осија, во Фреџене, во Фјумичино, во регионот на Лацио, овој вид веќе е присутен со откриени 70 проценти од позитивните позитиви во последните денови. Тој е присутен и во Марема во Тоскана, но исто така и на Сардинија, во регионот Марке, во одморалиштата. На нив претежно биле сместени млади луѓе на возраст од 20 до 21 година. Некои биле асимптоматски, а контролата одредила дека станува збор за делта сојот, односно дека тие го ширеле вирусот дури и без да знаат за тоа.
Во Неапол се создало вистинско жариште,од една група млади луѓе кои биле на одмор во Шпанија и на враќање го донеле делта сојот.
Ова е ситуацијата во Италија и тоа е резултат само по една недела отстранување на маските на отворено, со што вкупно во последниве неколку дена има зголемување на позитивните со Ковид-19 на национално ниво од 0,4 на 0,57 проценти , што е првото предупредување, дека коронавирусот не исчезнал. Бројот на заразени лица се очекува да се зголеми, бидејќи летото е во полн ек, поради собирите на млади и забавата, па останува отворено прашањето за претходно најавеното отворање дискотеки.