ДЕЛТА сојот на коронавирусот официјално е регистриран кај две лица на Косово и Метохија.
Експертите се согласуваат дека тој веројатно е веќе присутен во централна Србија, но сè уште не е „уловен“ во лабораторија!
– За нас беше јасно дека делта сојот ќе пристигне во нашата земја во моментот кога се појави во светот – вели, за „Новости“, д-р Миланко Шеклер, вирусолог. – Веројатно е веќе во циркулација, така што единственото нешто што е неизвесно е кога ќе биде официјално изолиран.
Д-р Шеклер забележува дека нема причина за загриженост, бидејќи делта сојот не е посмртоносен од другите мутации, тој предизвикува само поинаква клиничка слика:
– Симптомите се главоболка, суво грло и воспалено грло. Не предизвикува треска и губење на чувството за вкус и мирис, а кај постарите лица може да доведе до пообилна секреција од носот.
Тој потсетува дека најефикасна заштита е вакцинирање, носење маски и одржување на растојание.