253
Преговорите меѓу Барселона и Усман Дембеле траеја доста долго, францускиот офанзивец беше без клуб од почетокот на јули, медиумите го испратија во Челси и Пари Сен Жермен, но денеска се беше решено.
Усман Дембеле ќе потпише нов договор со Барселона и ќе остане на Камп Ноу до 2024 година!
Останувањето на Дембеле беше голема желба на тренерот Чави, кој 25-годишниот фудбалер го гледа како еден од лидерите на тимот во наредните сезони.
Дембеле дојде во Барса во 2017 година од Борусија Дортмунд во трансфер вреден неверојатни 140.000.000 евра, но досега не ја оправда инвестицијата.
Французинот одигра преку 100 натпревари во Примера, постигна 19 гола и додаде 27 асистенции, но од него се очекува многу, многу повеќе.