Денеска времето ќе биде сончево со мала до умерена локална облачност и со слаб до умерен ветер од јужен правец, известуваат од Управата за хидрометеоролошки работи (УХМР). УВ индексот денеска ќе биде 8.
Минималните дневни температури ќе се движат од 8 до 16 Целсиузови степени, а максималните од 22 до 33 степени.
Во Скопје ќе биде сончево, попладне со мала до умерена облачност и со слаб ветер од југоисточен правец.
Максималната температура ќе достигне до 31 степен.
Во деновите од викендот, се очекува времето претпладне да биде сончево со мала до умерена облачност, а попладне на повеќе места да биде нестабилно со пороен дожд, грмежи и засилен ветер. В сабота претпладне ќе биде сончево со мала до умерена облачност, попладне на места нестабилно со пороен дожд, грмежи и засилен ветер, локално во форма на невреме. УВ индексот ќе биде 8.
В недела ќе биде променливо облачно, од пладневните часови нестабилно со пороен дожд, грмежи и засилен ветер. УВ индексот ќе изнесува 7.