254
Времето денеска ќе биде сончево и топло со мала до умерена облачност, известуваат од УХМР. Ќе дува слаб до умерен ветер од североисточен правец кој наместа во западните и североисточните делови повремено ќе засилува. УВ индексот ќе биде 8.
Минималната температура ќе се движи во интервал од 11 до 20°C, а максимумот од 28 до 35°C.
Во Скопје сончево со мала до умерена облачност и со слаб до умерен ветер од северен правец.
Максималната температура ќе се искачи до 33-ти степени Целзиусови.
Во вторник во попладневните часови ќе има локална појава на нестабилност проследена со краткотраен пороен дожд и грмежи. Во деновите потоа времето ќе биде претежно стабилно и топло со умерен, повремено засилен ветер од северен правец.