Управата за хидрометеоролошки работи (УХМР) соопшти дека времето денеска ќе биде сончево со мала до умерена локална облачност. Ќе дува слаб до умерен, претпладне долж Повардарието повремено засилен ветер од северозападен правец.
Утринската температура ќе биде од 1 до 10 степени, а дневната од 8 до 18 Целзиусови степени.
Во Скопје ќе биде претежно сончево со слаб до умерен северен ветер. Максималната температура ќе стигне до 14 Целзиусови степени.
Викендов ќе почне со циклонска активност од запад и продор на студен воздух од север. Во петок ќе дува засилен јужен ветер, а попладне под влијание на нов влажен и студен бран ќе има врнежи од дожд, пообилни во ноќните часови кога на планините ќе преминат во снег. За време на викендот ќе преовладува променливо облачно и студено време со засилен, повремено силен северен ветер. Ќе има и локални слаби врнежи претежно на повисоките места и на планините каде ќе бидат од снег.