Времето денеска ќе биде сончево и многу топло со мала локална облачност, известуваат од УХМР.
Ќе дува слаб до умерен ветер од јужен правец, кој долж Повардарието повремено ќе засилува. УВ индексот ќе биде 9.
Минималната температура ќе биде во интервал од 14 до 22, а максималната ќе достигне од 34 до 40 степени.
Во Скопје сончево и многу топло со слаб, а попладне умерен ветер од југоисточен правец.
Температурата ќе се искачи до 39-тиот степен Целзиусов.
За сабота, после попладневните часови е најавено невреме на поголемиот дел од државата. Под влијание на атмосферски фронт во сабота попладне и во ноќните часови ќе биде нестабилно со пороен дожд и грмежи, наместа во форма на невреме со интензивен дожд за кратко време (над 20 л/м2 за 6 часа), силен ветер, поинтензивни електрични празнења и услови за појава на град.