Повелбата за солидарност на синдикатите и здруженијата за работнички права денеска организира протестен марш со почеток од 18 часот пред Дом на градежници во Скопје.
Потписниците на Повелбата за солидарност на синдикатите и здруженијата за заштита на работничките права до работниците, работничките и сите граѓанки и граѓани на Република Македонија го испраќатија и проглас за заедничка борба за работнички права
Шарената револуција ќе продолжи утре. Денеска граѓанското здружение „Протестирам“ соопшти дека ќе ги поддржи десетте синдикати што ќе организираат Второмајски марш и ќе им се приклучи на работниците денеска во 18 часот пред Домот на градежници во Скопје.
Од „Протестирам“ информираат дека нивниот протест продолжува утре се до исполнување на нивните барања меѓу кои се и оставка на претседателот Ѓорге Иванов, повлекување на неговата одлука за аболиција, одложување на изборите од 5 јуни и др.