225
Според УХМР, времето денеска ќе биде променливо облачно со сончеви периоди. Има најави за слаб до умерен ветер од северозападен правец.
Минималната температура ќе се движи од -3 до 3 степени, додека максималната од 5 до 19 степени Целзиусови.
Во Скопје променливо облачно со сончеви периоди и претежно тивко. Температурата во главниот град ќе се искачи до 17 степени.
Утрово најниска минимална температура имаше во Берово, Лазарополе и Попова Шапка -3°C , додека највисока во Гевгелија 5°C.
Следува период на променливо облачно време со сончеви периоди. За време на викендов се очекуваат повремени локални врнежи од дожд.