Селекторот на француската репрезентација Дидие Дешан зборуваше за здравствената состојба на напаѓачот Килијан Мбапе пред финалето од групната фаза на ЕП 2024 против Полска. Мбапе заработи повреда на носот на мечот со Австрија (1:0) и поради тоа го пропушти мечот со Холандија (0:0).
„Тој е се подобар секој ден. Хематомот стивна и се навикнува на маската. Тој сака да игра денес колку што сакаше да игра против Холандија“, изјави Дешан на прес-конференција.
Тренерот зборуваше и за влијанието на маската врз играта на 25-годишниот фудбалер.
„Маската не влијае на дишењето, но влијае на видот. Малку го ограничува погледот. Тој мора да се брани во одредени ситуации, ова го ограничува аголот на гледање. Дали има поголем ризик во играњето центарот? Не, контакти има секаде, на секој дуел. Се зависи од позицијата. Мора да се навикнеш на тоа, се чувствува малку како да носиш 3D очила“, додаде тој.
На 22 јуни Мбапе играше со специјална маска на пријателскиот натпревар со вториот тим на германски Падерборн и постигна два гола на овој натпревар.
Репрезентацијата на Франција моментално е втора во групата Д со 4 бода.