Децата на Вилијам и Кејт веќе ги напишале своите писма до Дедо Мраз

од Vladimir Zorba

Трите деца на војводата и војвотката од Кембриџ се подготвени со списокот подароци за Дедо Мраз.

Седумгодишниот принц Џорџ, петгодишната принцеза Шарлот и двегодишниот принц Луис едвај чекаат да дојде празникот, бидејќи ова е нивното омилено време од годината, изјави анонимен извор од палатата за „Us Weekly“.

Всушност, тие веќе ги напишале своите писма до Дедо Мраз и ги повикуваат своите родители да ја украсат елката.

Младите членови на кралското семејство имаат различни интереси, при што Шарлот и Луис се послични, отколку Шарлот и Џорџ, додаде изворот.

Џорџ е опседнат со хеликоптери, авиони и морска биологија. Едвај чека да остари доволно за да нурка.

Шарлот сака гимнастика и неодамна посетуваше часови по јога за деца. Таа исто така го учи својот помлад брат на некои пози.

Мајката на војвотката Кетрин, Керол Мидлтон, преку објава на Инстаграм откри дека оваа година ќе ја украси елката со своите четири внуци, но виртуелно преку платформата „Зум“.

65-годишната деловна жена вели дека обично им дозволува на принцот Џорџ, принцезата Шарлот, принцот Луис и синот на Пипа Мидлтон, Артур Метјус, да и помогнат да одлучи каде ќе ги постави украсите за празникот.

Сепак, поради пандемијата на коронавирус, таа ќе ја продолжи традицијата, но преку видео повик.

Керол ги сподели своите размислувања на Инстаграм во зимска порака до следбениците на нејзината компанија за настани „Party Pieces“.

Минатата година, семејството на принцот Вилијам се придружи на кралицата во Сандрингем за Божиќ и присуствуваше на традиционален состанок со обожавателите на кралот, иако принцот Луис беше отсутен.

Но, семеен Божиќ во Сандрингем нема да се одржи оваа година – првпат по 33 години. Кралицата во моментов е изолирана во замокот Виндзор со принцот Филип.

Ова може да значи дека војводата и војвотката од Кембриџ ќе слават со семејството Мидлтон за прв пат од 2012 година.

loading...

Слични содржини