С. Македонија ќе му даде поддршка на Косово за членство во НАТО, изјави вечерва претседателот на Собранието, Талат Џафери.
Според него, се работи за консензус од сите земји членки.
-Ние секогаш сме давале и ќе даваме поддршка за интеграција на Косово во НАТО а и во евроинтегративните процеси. Земајќи во предвид последните случувања и геостратешките интереси на регионот овие процедури треба да се забрзаат, вели Џафери.
Спикерот појаснува дека државата не е против Србија, ниту како институции, ниту како народ.
-Србија сака и преговара да влезе во ЕУ, Европската Унија има отворен став за руската агресија, а воедно ги воведе и санкциите. Србија не го следеше тој пат затоа треба да бидеме внимателни, се разбира не да ги прекинеме односите, потенцира Џафери.