„Притисокот врз Бугарија доаѓа од Западот и од САД, и треба да се промени – тие треба да ја натераат РС Македонија да ги почитува договорите за да можат да започнат преговорите за пристапување во ЕУ, изјави европратеникот Ангел Џамбаски за бугарска „НОВА ТВ“.
„Всушност, парадоксално, ваквото однесување на САД и ЕУ функционира во интерес на Русија“, рече тој.
„Договорот мора да се почитува, а не се почитува од владата во Скопје. Во учебниците, медиумите, политичарите продолжуваат да користат говор на омраза против Бугарија, тоа не се промени“, рече Џамбазки.
Според него, една од задачите на актуелната влада во Бугарија била да го пренесе ставот на земјата, но можеби сфатиле дека многу ќе страдаат.
„Ако бугарската влада се наведне, ќе се скрши. Оваа влада е предводена од Нинова, а Демократска Бугарија и служи на БСП. Ако се смени ставот на Бугарија за С. Македонија, владата ќе падне“, рече Ангел Џамбазки.
Во меѓувреме, високиот претставник за надворешна политика и безбедност Жозеп Борел повика веднаш да започнат разговорите за пристапување на Северна Македонија и Албанија во ЕУ. Тој изјави дека ќе продолжи сериозниот притисок од Советот на ЕУ врз Бугарија и нашата држава за решавање на билатералниот спор, пренесе БНР.
Борел побара бугарското вето да се укине до крајот на француското претседателство, кое истекува на крајот на јуни.
Во исто време, Бугарија ги потврди двете главни барања, а Скопје од своја страна ја префрли одговорноста на Софија.