Џеј Зи, поради ќерката, во петтата деценија во животот научил нешто што се учи во детството

Раперот Џеј Зи откри дека не знаел да плива сè до раѓањето на неговата ќерка Блу Ајви (9).

Познатиот музичар го откри ова за време на гостувањето во „The Shop: Uninterrupted“, нагласувајќи дека раѓањето на Блу Ајви променило сè.

„Не знаев да пливам сè додека не се роди Блу“, рече тој на прашањето како е да се биде татко.

– Тогаш доаѓа сè што треба да знаете. Ова е метафора за нашата врска. Ако таа некогаш паднеше во вода, а јас не можев да ја фатам, не би можел да се соочам со таа мисла. Морав да научам да пливам. Тоа е тоа. Тоа беше почетокот на нашата врска – рече Џеј Зи.

Да потсетиме, Блу Ајви е најстарото од трите деца што Џеј Зи ги има со Бијонсе.

Нивните близнаци, ќерката Руми и синот Сер, во јуни ќе наполнат 4 години.