Џихад пресметка во Кабул: Петмина загинати во судирите меѓу Талибанците и ИСИС

Најмалку пет лица загинаа во вооружен конфликт денеска во Кабул, соопштија талибанците.

Убиени се двајца талибански полицајци и тројца напаѓачи од Исламската држава (ИД).

Авганистанската полиција соопшти дека полицијата извршила рација во засолништето на припадници на ИД.

Ранети се четворица полицајци, а еден од напаѓачите е уапсен.

Исламската држава претставува најголем безбедносен предизвик за Талибанците, кои ја презедоа власта во Авганистан во август минатата година.

Фото: Stringer / Sputnik / Profimedia