Џил Бајден, сопругата на претседателот на САД, вчера беше оперирана на Воено -медицинската академија, откако се повредила на плажа на Хаваи.
Како што беше објавено, првата дама стапнала на непознат предмет и ја повредила левата нога за време на прошетка на 25 јули. За време на прегледот на раната, било утврдено дека има страно тело во стапалото, и било одлучено хируршки да се отстрани.
– Раната сега е чиста, нема повеќе инфекции и се очекува убаво да заздрави – изјави Мајкл ла Роса, портпарол на првата дама на САД.
Тој потврди дека претседателот Џозеф Бајден е цело време со неговата сопруга и дека заедно се вратиле во Белата куќа во четвртокот вечерта.
Џил Бајден пристигна на Хаваи на 23 јули по враќањето од Токио, каде ја предводеше делегацијата на Олимписките игри.