22
Аргентинскиот фудбалер Анхел ди Марија го продолжи договорот со Бенфика до јуни 2025 година.
Ди Марија пристигна во Бенфика во 2023 година, а веќе настапуваше за клубот од Лисабон од 2007 до 2010 година.
Покрај за Бенфика, тој играше и за Јувентус, Пари Сен Жермен, Манчестер Јунајтед, Реал и Росарио.
Аргентинскиот фудбалер минатата сезона одигра 48 натпревари за клубот од Лисабон и постигна 17 голови.
Следниот викенд започнува новата сезона во португалскиот шампионат, а Бенфика во првото коло на 11 август ќе му гостува на Фамаликао.