Ди Марија: За мене е гордост да го постигнам сето она што го постигнав

Анхел Ди Марија зборуваше за пласманот на неговата родна Аргентина во финалето на Копа Америка. „Гаучосите“ се актуелни носители на титулата и ќе се обидат да ја одбранат.

„Пред да излеземе на теренот, Лео Меси рече дека сака да стигнеме до финалето поради мене и тоа ме исполни со гордост. Да ја имам оваа можност да можам да постигнам се што постигнав неодамна со сите нив, е извор на гордост за мене“, објасни Ди Марија.

Финалето на Копа Америка е на 15 јули (понеделник) во 2:00 часот по наше време. Во него Аргентина ќе се соочи со Колумбија.