7
Ѕвездата на Рома, Пауло Дибала е во центарот на вниманието по веста за разговори со клубот од Саудиска Арабија, Ал Кадисија, но тој самиот се уште не одлучил дали ќе ја прифати примамливата понуда, пренесуваат италијанските медиуми.
Се очекува играчот внимателно да ја разгледа понудата од Саудиска Арабија бидејќи ова може да му биде последна шанса да потпише договор со солидна плата.
Според информациите, клубот од Саудиска Арабија е подготвен да му даде тригодишен договор со 25 милиони евра годишно на Аргентинецот.
Меѓу шпекулациите, Дибала објави фотографија на која тренира со Рома во нивната база во Тригорија, давајќи им надеж на навивачите на тимот дека би можел да остане во Рим и за новата сезона.