Поранешниот министер за надворешни работи, Никола Димитров упати критика до образовниот систем во земјава, на првиот училишен ден.
-Како успеавме, за три децении самостојна држава, да стигнеме до ова дереџе? Па на Писа тестовите за квалитет на образованието (читање, математика и научна писменост) да бидеме речиси на европското дно? Веројатно има многу фактори, но една работа посебно ми боде очи. Партизација на училишта, учители и наставници вработени преку партиски списоци. Да знаете дека најголемиот проблем на Македонија денес е клиентелизмот – бидејќи го еродира и распаѓа целиот систем, објави Димитров.
Според него, потребно е да се пресликаат образовните модели од дел од европските земји.
-Патот напред е да пресликаме успешни модели од Естонија или Финска, Словенија … а партиите да ги тргнеме далеку од кадровски решенија по школи, напиша Димитров на социјалните мрежи.