Претседателот на Организацијата на работодавачи, Ангел Димитров не се согласува со владината одлука за замрзнување на цените на дел од основните прехранбени производи. Според него, Владата не може неограничено долго да ги замрзне цени.
Тој има решение, кое како што тврди, е подобро на долг рок.
-Некој ќе праша: ја намаливте цената на лебот, но не лековите, а што со струјата…Ако така тргнеме ќе се вратиме во социјализам. Државата не може се да контролира. На краток рок ова е добро решение, но на долг рок за Владата е побезбелно решение да им исплати по 2.000 денари на загрозените категории на граѓани, оние со најниски примања и социјалните случаи, тоа помалку ќе ја кошта отколку вака да се расправа со цело стопанство, изјави синоќа Димитров во емисијата „24 анализа“.