Бунтот на паравоената група „Вагнер“ во Русија претставува можност која се јавува еднаш во генерација за регрутирање, рече директорот на ЦИА Вилијам Барнс, истакнувајќи дека Централната разузнавачка агенција се обидува да го искористи тоа и другите пукнатини во моќта на Владимир Путин кои бунтот ги разоткри.
Тој изјави дека руската елита покажува зголемена загриженост во оценките на претседателот Владимир Путин, особено по краткиот бунт на паравоената група.
„Имаше некои подлабоки прашања за оценките на Путин, за неговото оттуѓување од настаните, па дури и за неговата неодлучност. За многу Руси, кои се навикнати на Путин како некој што го чува мирот, прашањето беше дали царот е гол или зошто му треба толку време да се облече“, рече Барнс на безбедносниот форум во Аспен, пренесе „Блумберг“.