Милан се подготвува за голема реконструкција, ова го потврди клупскиот директор Џорџо Фурлани во интервју за италијанските медиуми.
Клубот сака да донесе сериозно засилување во летниот преоден рок, за следната сезона да конкурира за титулата во Серија А.
Според Фурлани, единствен сигурен од сегашниот тим е Португалецот Рафаел Леао, кој има валиден договор за уште две години и сака да остане во Милан.
„Рафа има откупна клаузула од 175 милиони евра, но сака да остане во Милан. Тој е среќен овде со нас. Сигурен сум дека тој би барал да замине, но тој навистина не сака. Да живее Леао во Милан“, рече Фурлани.
Потоа директорот на Милан се осврна на Ернандез и Менјон, кои исто така имаат важечки договори за уште две години.
„Тие имаат договори до јуни 2026 година. Се зборува за продажба или купување, но често играчите се тие кои одлучуваат за нивната иднина. Тео и Мајк се двајца шампиони, се надеваме дека ќе останат со нас што е можно подолго и ќе направат разлика“, заклучи тој.
Инаку, споменатата тројка е на мета на многу клубови, но засега не размислуваат за нивна продажба во Милано.
Милан моментално е на второто место и има 62 бода, дури 14 помалку од градскиот ривал Интер.