Навивачите на сплитскиот Хајдук, наводно, предизвикале нереди во вторникот вечерта во португалскиот град Гимараеш, каде фрлале факели, столици и шишиња во кафулињата и улиците.
На објавената снимка може да се види како луѓето стануваат и бегаат од кафулето додека група маскирани, главно облечени во црно навивачи влетуваат, фрлајќи столчиња и факели.
„Хрвати, речиси сите облечени во црно и со маскирани лица, предизвикаа немири во центарот на градот, поради што локалните жители и туристи побегнаа од кафулето“, наведува португалскиот медиум „О Јого“, додавајќи дека во него учествуваа околу 150 навивачи на сплитскиот клуб.
Uma centena de adeptos do Hajduk Split lançam o pânico, esta noite, no centro histórico de Guimarães.
Comerciantes e moradores queixam-se da falta de policiamento junto deste grupo organizado de adeptos do clube croata.
🎥 Vídeo amador pic.twitter.com/17Fk5jj4xA
— Mais Guimarães (@MaisGuimaraes) August 9, 2022
Сето ова е увертира на натпреварот помеѓу Виторија Гимараеш и Хајдук во среда од 17 часот во третото коло од квалификациите за Конференциската лига. Хрватскиот вицепрвак пред една недела победи со 3:1 на домашен терен и е поблиску до следната рунда.
Познато е и дека навивачите на португалскиот тим се многу страсни, но ништо во последните денови не навестуваше дека се можни немири.
Постои можност и меѓу хрватските навивачи да имало и симпатизери на Бенфика, бидејќи тие се во пријателски односи.
Засега нема многу информации освен снимката, а не е утврдена ниту материјалната штета. Исто така, не се знае дали полицијата идентификувала и привела дел од навивачите кои учествувале во нередите.