Џафери не чувствува потреба да ја коментира кандидатурата на Таравари

Техничкиот премиер Талат Џафери не сакаше да ја коментира најавената кандидатура на лидерот на АА, Арбен Таравари за претседател на државата.

-Не чувствувам потреба да коментирам ставови на политички партии. Непотребен би бил било каков коментар од моја страна, истакна Џафери при посетата на општина Липково.

Прашан дали ДУИ ќе оди со самостоен кандидат на претстојните претседателски избори, Џафери рече дека за тоа новинарите треба да одат да прашаат во седиштето на партијата во Мала Речица.

-Ќе одите до Речица и ќе седнете да разговарате со лидерот. Јас сум премиер и ја претставувам Владата, а не ДУИ, кажа Џафери.

Таравари денеска од Гостивар ја најави својата кандидатура, со поддршка на Европскиот сојуз за промени. Според него, дојдено е време Албанец вистински да биде претседател на државата, а не технички.